Ye banks and braes o' bonnie Doon,
How can ye bloom sae fair!
How can ye chant, ye little birds,
And I sae fu' o' care!

Thou'll break my heart, thou bonnie bird
That sings upon the bough;
Thou minds me o' the happy days
When my fause Luve was true.

Thou'll break my heart, thou bonnie bird
That sings beside thy mate;
For sae I sat, and sae I sang,
And wist na o' my fate.

Aft hae I roved by bonnie Doon
To see the woodbine twine,
And ilka bird sang o' its love;
And sae did I o' mine.

Wi' lightsome heart I pu'd a rose
Frae aff its thorny tree;
And my fause luver staw the rose,
But left the thorn wi' me.

Added: Feb 21 2003 | Viewed: 1590 times | Comments (0)

Poet: Robert Burns
Poem: Ye Banks And Braes O'Bonnie Doon

Poem of the Day on:
Nov 17 2004
There are no comments for this poem. Why not be the first one to post something about it?

Are you looking for more information on this poem? Perhaps you are trying to analyze it? The poem, Ye Banks And Braes O'Bonnie Doon, has not yet been commented on. You can click here to be the first to post a comment about it. Of course you can also always discuss poems by Robert Burns with others on the Poetry Connection poetry forum!